ကလေးမလန်းဘဲ မှိန်းနေလျှင် ဖြစ်တတ်သော လက္ခဏာများ(A Lethargic child's signs-Part 1)

ကလေးမလန်းခြင်း (Lethargy) ဆိုတာဘာလဲ။

သင့်ကလေးအတွက် လိုအပ်တဲ့ အကူအညီကို ပေးနိုင်ဖို့ ကလေးရဲ့ နာဖျားမှုကို သတိပြုမိရန်  အလွန် အရေးကြီးပါတယ်။   ကလေးမလန်းတာကို နားလည်ဖို့ လိုပါတယ်။  ကလေးဟာ  အားနည်း‌နေပြီး  အလှုပ်အရှား နည်းတာ၊ တက်ကြွမှု လန်းဆန်းမှု မရှိတာကို ဆိုလိုပြီး သေချာ  ဆေးကုသမှုကို မခံယူရင် အန္တရာယ် ရှိနိုင် ပါတယ်။  ကလေးက နဂိုပုံစံနဲ့ မတူဘဲ အရမ်းငြိမ်နေရင် သတိထားရပါမယ်။   ကလေး မလန်းခြင်း လက္ခဏာများကို ဂရုတစိုက်ကြည့်ရှုပြီး လိုအပ်ပါက ဆေးကုသမှုခံယူဖို့ လိုပါတယ်။ 

သင့်ကလေးရဲ့ လှုပ်ရှားမှု၊ ငိုခြင်း နဲ့ နို့စို့ခြင်းတို့ဟာ နေ့စဉ်နှင့်အမျှ  ၊ နာရီနဲ့ အမျှ ပြောင်းလဲနေပါတယ်။ သို့သော် သင့်ကလေးရဲ့ ပြုမူမှုပုံစံ ပြောင်းလဲတာ အလွန်  သိသာထင်ရှားမယ်ဆိုရင် ဒါဟာ ပြဿနာတစ်ခု ဖြစ်နိုင်ပါတယ်။ ဒီလို ပြောင်းလဲခြင်းဟာ ဖြေးဖြေးချင်းဖြစ်ပြီး သင်  သတိမပြုမိတာလည်း ရှိနိုင် ပါတယ်။    သင့်ကလေးသည် မလန်းတာ၊ မဆော့တာ၊ အစားမဝင်တာ နဲ့  အဖျားရှိနေပါက ဆရာဝန် နဲ့  ချက်ခြင်း တိုင်ပင်ပါ။